Home » Masaajidda iyo Kaniisadaha Nairobi oo farriin loo diray

Masaajidda iyo Kaniisadaha Nairobi oo farriin loo diray

by Mohamed Jibril
0 comment

Nairobi (Horn Life) — Kaniisadaha iyo masaajidda ku yaalla magaalada caasimadda u ah dalka kenya ee Nairobi, ayaa lagu booriyey inay ka fakaraan yareynta codka xooggan ee kasoo baxaya goobahooda.

Bartiisa twitter-ka, ayuu barasaabka ismaamulka magaalada Nairobi ee, Johnson Sakaja, ku sheegay inuu wada hadal la yeelan doono hoggaamiyeyaasha diinta, si loo xakameeyo heerka codadka.

Magaaladu ayaa waxay dhawaan mamnuucday goobaha lagu caweeyo ee sawaxanka xoogga leh ay kasoo baxayaan, gaar ahaan kuwa ku yaalla goobaha deegaanka ah, ka dib cabasho ka timid dadka deegaanka oo ku saabsan buuqa iyo sawaxanka.

Dad badan ayaa dalbaday in sidan oo kale loo mamnuuco codadka kasoo baxaya goobaha cibaadada.

Sakaja ayaa yiri: “Xitaa goobaha lagu caweeyo, kuma aanan bilaabin in aan xirno. Waanu la hadalnay waqti ka dib, way ogolaadeen inay u hoggaansamaan, laakiin qaar ayaa iska dhego tiray. Kadibna tallaabo ayaan qaadnay.”

Horaantii Khamiista gudoomiyaha, ayaa sheegay inuusan xiri doonin goobaha cibaadada, balse taa badalkeeda uu bilaabayo wada xaajood uu la yeelanayo hoggaamiyayaasha cibaadada.

Nayroobi ayaa waxaa ku yaal tiro badan oo kaniisado laga wacdiyo, halkaas oo muusiga qaylada badan uu ku badan yahay xilliga cibaadada.

You may also like

About Hornlife

Horn Life Is an independent news media covering breaking news, features, and documentaries about Somalia

Newsletter

Subscribe my Newsletter for new blog posts, tips & new photos. Let's stay updated!

Latest News

  Copyright © Horn Life All Right Reserved