Home » Sucuudiga oo balaayiin dollar ku maalgashanaya dalka Shiinaha

Sucuudiga oo balaayiin dollar ku maalgashanaya dalka Shiinaha

by Mohamed Jibril
0 comment

Shirkadda weyn ee shidaalka soo saarta ee ay leedahay dawladda Sucuudigu ee Aramco ayaa maalgashi ballaadhan oo ku kacaya balaayiin doollar ku samaynaysa dalka Shiinaha, taas oo ay ka mid tahay, inay dalkaas ka dhisaan wershedo shidaalka safeeya, sida ay shaacisay shirkaddani.

Maalgashigan ay ku samaynayaan dalka Shiinaha ayaa ku soo beegmaya iyada oo shirkaddaasi ay macaashtay sannadkii 2022 lacag gaadhaysa illaa $160 bilyan.

Sucuudiga oo wakhti dheer saaxiib dhow la ahaa dalka Maraykanka ayaa haatan u muuqda mid u sii janjeedhsanaya dhinaca Shiinaha.

Shirkadda Aramco ayaa sidoo kale saami ka iibsatay qaar ka mida shirkadaha waaweyn ee dalka Shiinaha, sida shirkadda Rongsheng Petrochemical Co. Ltd oo ay ka iibsatay saami gaadhay 10% oo u dhigma $3.6 bilyan.

Sida ku cad heshiisyada ay wada galeen shirkaddan iyo shirkadaha shidaalka ee Shiinuhu, waxaa shirkadda Aramco ay u dhoofin doontaa 480,000 oo foosto maalintii shirkadaha shiinaha ee qaabilsan hawlaha sifaynta shidaalka.

AP/VOA

You may also like

About Hornlife

Horn Life Is an independent news media covering breaking news, features, and documentaries about Somalia

Newsletter

Subscribe my Newsletter for new blog posts, tips & new photos. Let's stay updated!

Latest News

  Copyright © Horn Life All Right Reserved