Home » 10 Ruux oo hal qoys kawada tirsan oo lagu toogtay Koonfur Africa

10 Ruux oo hal qoys kawada tirsan oo lagu toogtay Koonfur Africa

by Mohamed Jibril
0 comment

Wararka ka imaanaya dalka Koonfur Afrika ayaa sheegaya in toban ruux oo isku qoys ahaa lagu dilay weerar lagu qaaday guri ay deganaayeen.

Todobo dumar ah iyo saddex rag ah ayaa la dilay ka dib markii gurigooda oo u dhow magaalada Pietermaritzburg la weeraray subaxnimadii Jimcaha.

Wasiirka booliska Bheki Cele ayaa sheegay in laba tuhmane la soo qabtay, mid la toogtay mid kalena weli gacanta lagu hayo. Ujeedada ma cadda.

Koonfur Afrika waxa ay ka mid tahay dalalka ay dilalka ugu badan ka dhacaan.

booliska ayaa markii hore lagu wargaliyay toogashada kadib markii dadka deriska ay maqleen dhawaqa rasaasta.

Mr Cele waxa uu sheegay in mid ka mid ah dhibanayaasha uu da’diisu ahayd 13 jir.

“Waxay qabteen laba qof, mid waa dhaawacmay, mid waa dhintay, mid waa cararay, saddex qorina waa laga furtay,” ayuu u sheegay wariyeyaasha isagoo ku sugan goobta ay toogashadu ka dhacday oo ku taalla degmada Imbali ee bariga gobolka KwaZulu-Natal.

Sida ay ku warameen warbaahinta gudaha, dableyda hubeysan ayaa u suuragashay in ay gudaha u galaan hantida, kadib markii ay iska dhigeen ciidamo boolis ah.

Booliska ayaa sheegay in mid ka mid ah tuhmanayaasha oo ah ninka la toogtay uu ku jiray liiska dadka la raadinayey muddo dheer.

Waa toogasho wadareedkii labaad ee todobaadkan ka dhacda gobolka KwaZulu-Natal ka dib markii afar qof lagu toogtay maalintii Khamiista guri kale oo ku yaala waqooyiga magaalada dekedda leh ee Durban.

Bishii Janaayo, sideed qof ayaa lagu toogtay xaflad dhalasho oo ka dhacday magaalada Gqeberha ee gobolka Eastern Cape.

You may also like

About Hornlife

Horn Life Is an independent news media covering breaking news, features, and documentaries about Somalia

Newsletter

Subscribe my Newsletter for new blog posts, tips & new photos. Let's stay updated!

Latest News

  Copyright © Horn Life All Right Reserved