Home » Ayatollah: Joogista hal askari oo Mareykanka ah ee Ciraaq waa tiro aad u badan

Ayatollah: Joogista hal askari oo Mareykanka ah ee Ciraaq waa tiro aad u badan

by Mohamed Jibril
0 comment

Hoggaamiyaha ruuxiga ah ee Iran Ayatollah Ali Khamenei ayaa u sheegay Madaxweynaha Ciraaq Cabdullaif Rashid oo booqasho ku jooga Iran Sabtidii in Mareykanku uu yahay ‘saaxiib aan la isku haleyn karin’ Ciraaqna aysan oggolaan in ciidamo Mareykan ah ay joogaan dhulkeeda.

Iran oo xiriir adag la leh Ciraaq ayaa kasoo horjeedda joogitaanka ciidamada Mareykanka ee xudduudaha Ciraaq iyo Khaliijka, iyadoo sheegtay in faragelinta milateri ee reer galbeedka ay tahay saldhigga amni darrada gobolka.

“Maraykanku saaxiibbo lama aha Ciraaq, Ameerikaanku cidna saaxiib uma aha, xitaa daacad uma aha saaxiibbadooda Yurub,” ayuu yiri Khamenei oo ay soo xigatay warbaahinta dawladda.

Laamaha amniga qaranka Mareykanka ayaa baaraya kadib markii la faafiyay dukumentiyo sir ah oo lagu sheegay in Mareykanka uu basaasay xulafadiisa oo ay ku jirto Ukraine.

“Xitaa joogitaanka hal Maraykan ah ee Ciraaq waa mid aad u badan,” ayuu Khamenei u sheegay Rashid, oo isaga iyo wafdi uu hoggaaminayo ay ku sugan yihiin Tehran si ay u xoojiyaan xiriirka labada dal ee deriska ah.

Mareykanka ayaa waxaa Ciraaq ka jooga ilaa 2,500 oo askari, si ay gacan uga geystaan la-talinta iyo caawinta ciidamada Ciraaq ee dagaalka kula jira Daacish, oo sanadkii 2014-kii qabsaday dhul ka tirsan dalkaas.

Reuters.

You may also like

About Hornlife

Horn Life Is an independent news media covering breaking news, features, and documentaries about Somalia

Newsletter

Subscribe my Newsletter for new blog posts, tips & new photos. Let's stay updated!

Latest News

  Copyright © Horn Life All Right Reserved