Home » Muqdisho: dhowr carruur oo hal qoys ah oo ku geeriyooday guri ku dumay

Muqdisho: dhowr carruur oo hal qoys ah oo ku geeriyooday guri ku dumay

by Mohamed Jibril
0 comment

Guri kamid ah Guryaha Qadiimiga ah (Mudadda fog dhisan) oo ku yaalla Degmada Shangaani ee Gobolka Banaadir ayaa ku dumay qoys degenaa, inta la xaqiijiyay waxaa dhintay ugu yaraan 3 carruur halka dhaawac uu soo gaaray Dad kale oo aan tiradoodu la shaacin.

Gaadiidka Gurmadka Degdega ah oo goobta gaaray ayaa sameeyay gargaar la siiyay Dadka dhibaatadu qabsatay iyada oo carruurta dhimatay laga soo hoos bixiyay burburka dhismaha dumay sida ay xaqiijiyeen ilo kala duwan.

Mas’uuliyiin katirsan Maamulka Degmada Shangaani ee Gobolka Banaadir oo markii uu maqlay dhibkaan oo goobta gaaray ayaa sameeyay dedaal xooggan oo loogu gurmanayo Dadka waxyeellada kasoo gaartay guriga dumay.

Degmooyinka Gobolka Banaadir waxaa qaarkood ku yaalla Guryo muddo fog dhisan oo aanay intooda badan heli dib u dhis, Roobabka xooggan ee da’ay ayaa cabsi ku beeray qoysaska degen dhismahaas oo ka cabsaday in ay ku dumaan.

Ilaa haatan maamulka Gobolka Banaadir, kan Degmada Shangaani & mas’uuliyiinta kale ee Dowladda Federaalka kama soosaarin faah-faahin la xiriirta sida uu u dumay gurigaas, waxa sababay iyo waxa uga qorsheysan dadka degen guryaha cabsida laga muujinayo in ay dumaan.

You may also like

About Hornlife

Horn Life Is an independent news media covering breaking news, features, and documentaries about Somalia

Newsletter

Subscribe my Newsletter for new blog posts, tips & new photos. Let's stay updated!

Latest News

  Copyright © Horn Life All Right Reserved