Home » Xasan Sheekh oo warqadaha aqoonsiga ka guddoomey Safiirrada dalalka Turkiga, Kuuriyada koonfureed, Filibbiin iyo Sirilaanka

Xasan Sheekh oo warqadaha aqoonsiga ka guddoomey Safiirrada dalalka Turkiga, Kuuriyada koonfureed, Filibbiin iyo Sirilaanka

by Mohamed Jibril
0 comment

Muqdisho (Hornlife) — Madaxweynaha Soomaaliya, Xasan Sheekh Maxamuud, ayaa warqadaha aqoonsiga danjirenimo ka guddoomay safiirrada cusub ee dalalka, Turkiga, Kuuriyada Koonfureed, Filibbiin iyo Sirilaanka ee loo soo magacaabay Soomaaliya.

Munaasabad ka dhacday Madaxtooyada ayaa Madaxeweynuhu kaga guddoomay waraaqaha Aqoonsiga Danjireyaasha kala ah, Mudane Alper Akta Safiirka cusub ee dalka Turkiga ee Soomaaliya, Mudane Yeo Sung-jun Danjiraha Cusub ee Kuuriyada Koonfureed, Mudane K Theshatha Danjiraha dalka Sirilaanka iyo Marwo Marie Charlotte oo ah Danjiraha cusub ee dalka Filibbiin u fadhin doonta dalka Soomaaliya.

Sidoo kale danjireyaasha ayaa madaxweynaha la wadaagay farriimo ay ka sideen hoggaanka sare ee dalalkooda, iyagoo soo bandhigay dadaalka ay ku bixin doonaan adkaynta xiriirka taariikhiga ah ee ay la wadaagaan Dowlada iyo Shacabka Soomaaliyeed.

Madaxweyne Xasan iyo Danjireyaasha ayaa si gaar-gaar ah uga wada hadlay xoojinta xiriirka diblomaasiyadeed iyo iskaashiga ay Dowladda Federaalka Soomaaliya la leeyihiin dalalkoodu, waxa uuna xusay ahmiyadda ay leedahay in ay xoojiyaan garab istaagga dowladda Soomaaliya iyo shacabkeeda, si guul looga gaaro dowlad-dhiska iyo horumarinta dalka.

Si kastaba hasa yeeshee Soomaaliya, ayaa ah, dal kasoo kabanaya colaado sokeeye inkabadan 30 sanno oo xiriir ah, walow dalal badan ay hadda safiirro usoo magacaabayaan.

You may also like

About Hornlife

Horn Life Is an independent news media covering breaking news, features, and documentaries about Somalia

Newsletter

Subscribe my Newsletter for new blog posts, tips & new photos. Let's stay updated!

Latest News

  Copyright © Horn Life All Right Reserved